صبري حد…
الشاعر عمر بوعزيز / الجزائر
شعر شعبي
اصبرت وماعدت نصبر صبري حد
صبري فض وما وماڨدرتش قلبي مل
صبرت كثير صبرت حتى ڨلبي فد
والصبر اذا فات حدو يرجع ذل
جيت انراجع في حساباتي وانعد
نلڨى روحي كان وحدي جهدي كل
واسعيفي ماهوش داري متعمد
عييت نساعف مالڨيتش حتى حل
بلا عينة موحال وحدي كان انڨد
واحد وحدو مايڨد إهد جبل
نا نفتح فالباب وانت غيراتسد
باقي وحدي لايح عليا لحمل
راني تاعب مابقالي مانرفد
هذا جهدي مانزيد انهز ثڨل
طبت تعبت ومبقالي واش نْمَدْ
فوڨ الطاقة مابغى جهدي يحمل
نخليك على هواك روح طريڨ السد
لازم نفرڨ مابقاليش انكْمَل
حاذر وانوصيك لا تغلط في الرد
واتخلصها غالية ناڨة واجمل
راه الدهر إدور والعداد إعد
تُخْلَصْ عَالْعْڨَابْ واحسابك يكمل